ക്യാമറകളെകുറിച്ച് കേൾക്കുമ്പോൾ എപ്പോളും ഒപ്പമുള്ള ഒരു വാക്കും നമുക്ക് സുപരിചിതവുമായ ഒരു കാര്യമാണ് ക്യാമറ ലെൻസുകൾ. എല്ലാ ക്യാമറകൾക്കും ലെൻസുണ്ട്, അതിൽ ചിലവ Fixed ആയിരിക്കും, ചിലവ ഡിജിറ്റൽ zooming ഉള്ളവയായിരിക്കും, മറ്റു ചിലത് Inter Changeable ആയിരിക്കും.ഏതിലായിരുന്നാലും ഇതിലെ ലെൻസുകൾ എല്ലാം ഒരു പൊതുസ്വഭാവവും ഘടനയും ഉള്ളവയായിരിക്കും .
ഒരു ക്യാമറ ലെൻസ്‌ എന്നാൽ എന്താണെന്ന് നിങ്ങളോട് ആരെങ്കിലും ചോദിച്ചാൽ നിങ്ങൾ എന്ത് ഉത്തരം പറയും...? വളരെ ലളിതമായി പറഞ്ഞാൽ കൃത്യമായ ഘടനയിൽ ക്രമീകരിച്ചിരിക്കുന്ന ഒന്നോ, ഒന്നിലധികമോ ഗ്ലാസ് പ്രിസങ്ങൾ ഫിലിം പ്ലയ്റ്റുകളിലോ അല്ലെങ്കിൽ വസ്തുക്കളുടെ പ്രതിഭിംബം സൂക്ഷിക്കാൻ കഴിയുന്ന വസ്തുക്കളിലോ കൃത്യമായി വസ്തുക്കളിൽ നിന്നുള്ള പ്രകാശഭിംബം പതിപ്പിക്കുവാൻ ( (ഒരു ക്യാമറയിലൊ മറ്റു ഉപകരണങ്ങളിലോ ) സഹായിക്കുന്ന വസ്തുവാണ് ലെൻസ്‌.
സ്റ്റിൽ ക്യാമറകൾ, വീഡിയോ ക്യാമറകൾ, മൈക്രോ സ്കോപ് ,ടെലസ്കോപ്പ് എന്നിവയിൽ ഉപയോഗിക്കുന്ന ലെൻസുകളുടെയെല്ലാം പ്രവർത്തനം ഒന്നുതന്നെയാണെങ്കിലും ഘടനയിൽ മാത്രമേ അവ വ്യത്യസ്ഥത പാലിക്കുന്നുള്ളൂ.
പ്രകാശരശ്മികളുടെ സഞ്ചാരപഥം Concave അല്ലെങ്കിൽ Convex പ്രതലങ്ങൾ ഉപയോഗിച്ച് വ്യതിചലിപ്പിക്കുക എന്നതാണ് ലെൻസുകളുടെ അടിസ്ഥാനതത്ത്വം, ഇതിനെ Refraction എന്ന് പറയാം. പരസ്പരം ഘടിപ്പിച്ചിരിക്കുന്ന ഈ ലെൻസുകളുടെ കൃത്യമായ അനുപാതത്തിലുള്ള പ്രവർത്തനമാണ് അകലെയുള്ള വസ്തുക്കളെ അടുത്ത് കാണിക്കുന്നതും ( Zooming ), വസ്തുക്കളുടെ വലിപ്പം ഇരട്ടിയായി കാണിക്കുന്നതും( Magnification ).
ലെൻസുകളുടെ ഫോക്കൽ ലംഗ്തും അപ്പർച്ചറും .
ഉദാഹരണമായി “50 mm 1:1.8” എന്ന് ലെൻസിൽ എഴുതിയിട്ടുണ്ടെങ്കിൽ അതിൽ 50 mm എന്നത് ഫോക്കൽ ലംഗ്തും 1.8 എന്നത് അപ്പർച്ചർ വലിപ്പവുമാണ്‌. അപ്പർച്ചർ ഡയഫ്രം ആണ് അപ്പർച്ചർ വലിപ്പം നിയന്ത്രിച്ച് പ്രകാശത്തിനെ ഇമേജ് പ്ലയിറ്റിൽ പതിപ്പിക്കുന്നത്.
ഒരു 50 mm ലെൻസിന്റെ ലെൻസ്‌ കണ്‍സ്ട്രക്ഷൻ ആണ് താഴെ കൊടുത്തിരിക്കുന്ന ചിത്രത്തിൽ വിവരിച്ചിരിക്കുന്നത്. ചിത്രത്തിൽ ഗ്ലാസ് പ്രിസങ്ങൾ അടുക്കുകളായി ക്രമീകരിച്ചിരിക്കുന്നത് നമുക്ക് കാണാം.
ലെൻസുകൾ : ഗ്രൂപ്പുകളും എലമെന്റുകളും
ലെൻസുകളുടെ കാര്യത്തിൽ നാം എപ്പോളും കേൾക്കാറുള്ള 2 പദങ്ങളാണ് ഗ്രൂപ്പുകളും എലമെന്റുകളും. നിങ്ങൾ എപ്പോളെങ്കിലും ചിന്തിച്ചിട്ടുണ്ടോ എന്താണ് ഈ ഗ്രൂപ്പുകളും എലമെന്റുകളും എന്ന്..? ലെൻസുകളുടെ നിർമിതി ഗ്ലാസ് പ്രിസങ്ങളുടെ ക്രമമായ അടുക്കുകളിലൂടെയാണെന്ന് മുൻപേ പറഞ്ഞല്ലോ.അങ്ങിനെ ക്രമമായി അടുക്കുന്ന ഓരോ ഗ്ലാസ് പ്രിസങ്ങളെയും ഓരോ എലമെന്റുകളായും 2 ഗ്ലാസ് പ്രിസങ്ങളെ തമ്മിൽ ഒട്ടിച്ചിരിക്കുന്നതിനെ ഒരു ഗ്രൂപ്പ് എന്നും പറയുന്നു. അതായത് 6 ഗ്ലാസ് പ്രിസങ്ങൾ ഒരു ലെൻസിൽ ഉണ്ടെങ്കിൽ ആ ലെൻസിൽ 6 എലെമെന്റ് ഉണ്ടെന്നും, അതിൽ 3 ലെൻസുകൾ പരസ്പരം ഒട്ടിച്ച് വച്ചിരിക്കുകയാണെങ്കിൽ 3 ഗ്രൂപ്പും ഉണ്ടെന്നു പറയാം
ലെൻസ്‌ മൗണ്ടുകൾ
പലതരത്തിലുള്ള ക്യാമറകൾ ഇന്ന് വിപണിയിൽ ലഭ്യമാണ്. അതിൽ Single Lens Reflex Camera ( SLR), Range Finder , Mirror less Camera എന്നിവകളിലെ ലെൻസുകൾ മാറ്റി മാറ്റി ഉപയോഗിക്കാവുന്നതാണ്. നമ്മുടെ ആവശ്യങ്ങൾക്കനുശ്രതമായ ലെൻസുകൾ മാറ്റി ഉപയോഗിക്കുവാൻ ഈ ക്യാമറയിൽ സാധിക്കും. പക്ഷെ ഓരോ കമ്പനികളുടെയും ലെൻസുകൾ മറ്റു കമ്പനികളുടെ ക്യാമറയിൽ ഉപയോഗിക്കുവാൻ സാധ്യമല്ല. ഉദാഹരണമായി ഒരു നിക്കോണ്‍ മൌണ്ട് ലെൻസ്‌ കാനോണ്‍ ക്യാമറയിൽ ഉപയോഗിക്കുവാൻ സാധ്യമല്ല. പക്ഷെ ഇപ്പോൾ വിപണിയിൽ അങ്ങിനെ ഘടിപ്പിക്കുവാനായി മൌണ്ട് അഡാപ്ടറുകൾ ലഭ്യമാണ്
 |
| മൌണ്ട് അഡാപ്ടർ : Nikon to Canon |
ക്യാമറയും ലെൻസും തമ്മിൽ ബന്ദിപ്പിക്കുന്നത് ലെൻസ്‌ മൌണ്ടുകൾ ആണ്. ക്യാമറ കൊടുക്കുന്ന നിർദേശങ്ങൾ ( നമ്മൾ ക്യാമറയിൽ ഓരോ Functions ഉം അഡ്ജസ്റ്റ് ചെയ്യുമ്പോൾ ) കൃത്യമായി ലെൻസിലേക്ക് എത്തിക്കുന്നത് ലെൻസ്‌ മൌണ്ടിലെ ഇലക്ട്രിക്‌ ലീടുകൾ ആണ്. അതിനാൽ ലെൻസ്‌ മൌണ്ടുകൾ ക്യാമറയിലെ ഒരു പ്രധാന ഘടകംതന്നെയാണ്.
ലെൻസുകളുടെ പരിപാലനം
ക്യാമറയുടെ പരിപാലനം പോലെ വളരെ പ്രധാനപ്പെട്ട ഒരു കാര്യമാണ് ലെൻസുകളുടെ പരിപാലനവും. കാരണം ലെൻസുകൾ കാലാവസ്ഥാ വ്യതിയാനങ്ങൾക്കനുസരിച്ച് വളരെ പെട്ടന്ന് പ്രതികരിക്കുന്ന ഒരു വസ്തുവാണ്. ഈർപ്പം ആണ് ലെൻസുകളുടെ ഏറ്റവും വലിയ ശത്രു. ഈർപ്പമുള്ള കാലാവസ്ഥയിൽ ലെൻസുകളിൽ വളരെ പെട്ടന്ന് ഫംഗസ് പിടിക്കുവാനുള്ള സാധ്യതയുണ്ട്. പ്രധാനമായും ഈർപ്പമുള്ള സ്ഥലങ്ങളിലോ അല്ലെങ്കിൽ അത്തരം കാലാവസ്ഥയിലെ നാം ലെൻസുകളെ കൂടുതൽ ശ്രദ്ധിക്കേണ്ടിയിരിക്കുന്നു സാധാരണയായി സോഫ്റ്റ്‌ ബോക്സ്‌കളിൽ സിലിക്ക ക്രിസ്റ്റലുകൾ നിരത്തി അതിനുമുകളിൽ ലെൻസുകൾ സൂക്ഷിക്കാം. ഇത് വളരെ ചെലവ് കുറഞ്ഞ രീതിയാണ്. ഇന്ന് വിപണിയിൽ ഡ്രൈ കാബിനെറ്റു കൾ ലഭ്യമാണ്. വൈദ്യുതികൊണ്ട് പ്രവർത്തിക്കുന്ന ഇവയിൽ ലെൻസുകൾ സൂക്ഷിച്ചാൽ ഇത്തരം പ്രശ്നങ്ങൾ നമുക്ക് ഒഴിവാക്കാം .
